(623)                               SOUS LE RÈGNE DE CHARLES Vl.                                  ,38:5
une messe basse, et offrande faire devant Nostre Dame de la somme de deux solz.
Item, à Saint Lienart de Crocy, de y envoier un homme de pié, et de y faire chanter une messe basse et mettre offrande devant le saint d'ung cierge du pris de deux solz.
Item, de envoier ung homme à Saint Cosme de Lusarches de pié, et de y faire chanter une messe devant le saint et offrande de ung cierge de deux solz.
Item, je ordonne à chascune des quatre ordres Mendians trois frans, par tel que ilz convoieront le corps au moutier, et ylec chascune ordre chantera unes vigiles à trois leçons.
Item, je ordonne et laisse à ma niepce, Perrette la Baboe, fille de ma suer Marguerite la Baboul, mon surcot lonc et ouvert, et ma cotte simple, et une houppellande de quartette, fourrée de gris ou menu vair, comme aux executeurs semblera bon, et pour son bien et avan­cement de mariage je lui laisse deux cens frans.
Item, à Jehanneton, ma chamberiere, qui nous a servis par long temps, pour le bien et avancement de son mariage, je lui laisse dix frans, ung lit, une couverture moyenne, deux paires de draps de deux lez de chanvre, deux cuevrechiefz, ung orillier, et lui laisse six aulnes de drap, pour la vestir à ses nopces, du pris d'ung escu l'aune; et se ainsi est que la dicte Jehanneton face aucune^chose qui ne soit pas à point, ou qu'elle ne se mariast au gré de ses amis et parens, je vueil le don estre nul, et aussi que les executeurs ne distribuent à ame de ce que est dit au dessus, jusques que elle ait trouvé partie par nom de mariage.
Item, je vueil que les deux laiz dessus nommez que à ma niepce et Jehanneton, se aucunement ne se gouvernoient bien, ou que ilz ne se mariassent au gré de leurs amis, ou que ilz allassent de vie à tres-passement, je vueil que Ies dizlais ne vaillent riens.
Item, je vueil que toutes mes debtes soient paiées et mes torfaiz amendez.
Item, je laisse au curé de Saint Severin vint quatre solz.